ఐశ్వర్య రాయ్ కారుకి యాక్సిడెంట్.. ఇప్పుడు ఎలా ఉందంటే ..?

బాలీవుడ్ స్టార్ హీరోయిన్, మాజీ విశ్వ సుందరి ఐశ్వర్య రాయ్ కారుకు యాక్సిడెంట్ అయ్యింది. జుహూ ఏరియాలో ఈ ఘటన చోటు చేసుకున్నట్టు తెలుస్తోంది. ఐశ్వర్య రాయ్ ప్రయాణిస్తున్న కారును.. వెనుక నుంచి ఓ బస్సు వచ్చి ఢీ కొట్టినట్టు చెబుతున్నారు. ఇందుకు సంబంధించిన వీడియో సైతం సోషల్ మీడియాలో వైరల్ గా మారింది. ఈ ఊహించని ఘటనతో ఐశ్వర్య రాయ్ భద్రతపై సర్వత్రా ఆందోళన వ్యక్తం అవుతోంది. ఐశ్వర్య క్షేమంగానే ఉందా ? లేదా అంటూ ఆమె అభిమానులు కామెంట్స్ చేస్తున్నారు.

అయితే ఈ ప్రమాదం జరిగిన సమయంలో కారులో ఐశ్వర్య లేరని చెబుతున్నారు. అంతేకాకుండా కారుకు కూడా పెద్ద ప్రమాదమేమి జరగలేదని అంటున్నారు. కానీ వైరల్ అవుతున్న వీడియోని గమనిస్తే మాత్రం ఆ ప్రమాదం జరిగిన సమయంలో కారులో ఉన్న ఐశ్వర్య బాడీగార్డులు కిందికి దిగారు. బస్సు డ్రైవర్ తో మాట్లాడి అనంతరం అక్కడి నుంచి వెళ్లిపోయినట్టు తెలుస్తోంది.

అయితే ఇక్కడ మరో వెర్షన్ సైతం వినిపిస్తుంది. ప్రమాదం ఏమీ జరగలేదని.. కారు వెనుక వస్తున్న బస్సు పదే పదే హారన్ మోగిస్తుండటంతో ఎందుకలా హారన్ కొడుతున్నావని.. ఐశ్వర్య కారులోని బాడీ గార్డ్స్ కిందకి దిగి ప్రశ్నించాడని అంటున్నారు. మొత్తానికి ఈ అనుకోని ఘటనతో ఐశ్వర్య వ్యవహరం బాలీవుడ్ లోనే కాకుండా తెలుగు రాష్ట్రాల్లో సైతం హాట్ టాపిక్ గా మారింది.